Flipkart platform charge: फ्लिपकार्टने 17 ऑगस्टपासून ऑर्डरच्या हिशोबाने प्रत्येकी 3 रुपये प्लॅटफॉर्म चार्ज लागू करण्यास सुरुवात केली आहे. हा चार्ज स्टँडर्ड आणि प्लस दोन्ही युजर्सकडून आकारण्यात येईल, परंतु 10 हजार रुपयांच्या वरच्या ऑर्डरवर हा चार्ज आकारला जाणार नाही. Zomato, Swiggy आणि इतर प्लॅटफॉर्म्स आधीपासूनच याचप्रकारचे चार्जेस लावत आहेत.
Flipkart ने आपल्या सर्व यूजर्सना मोठा धक्का दिला आहे. कारण आता या प्लॅटफॉर्मवरून सामान ऑर्डर केल्यास तुम्हाला अधिक पैसे मोजावे लागतील. फ्लिपकार्टने स्विगी आणि जोमॅटोप्रमाणेच या इ कॉमर्स प्लॅटफॉर्मनंही आता फी आकारण्यास सुरुवात केली आहे. ई-कॉमर्स प्लॅटफॉर्म फ्लिपकार्टने 17 ऑगस्टपासून 3 रुपये प्रति ऑर्डरच्या दराने प्लॅटफॉर्म चार्ज लागू केला आहे.
Flipkartकडून हा प्लॅटफॉर्म चार्ज सर्व युजर्सकडून करण्यात येईल. ई-कॉमर्स वेबसाइटवरील स्टँडर्ड आणि प्लस दोन्ही युजर्सना हा चार्ज द्यावा लागणार आहे. मात्र, यासाठी ऑर्डरची मर्यादा ठरवली गेली आहे. 10 हजार रुपयांच्या वरच्या ऑर्डरवर तुम्हाला हा चार्ज लागणार नाही. हे पहिल्यांदाच घडत नाही आहे, यापूर्वीही कंपनीने आपल्या चार्जेसमध्ये वेळोवेळी बदल केले आहेत.
कोणकोणते प्लॅटफॉर्म्स आकारतात चार्ज
आता पाहूया की हा चार्ज कोठे लागू होतो. Zomato, Swiggy, Blinkit आणि Zepto सारखे प्लॅटफॉर्म्स युजर्सकडून केल्या जाणाऱ्या प्रत्येक ऑर्डरवर हा चार्ज आकारतात. मात्र, हा चार्ज वेगवेगळ्या प्लॅटफॉर्म्सवर वेगवेगळा असतो. यामध्ये 4 रुपयांपासून 10 रुपयांपर्यंतच्या प्लॅटफॉर्म चार्जचा समावेश होतो. सध्या Amazon कडून असा कोणताही चार्ज आकारला जात नाही आहे. त्यामुळे अनेक युजर्स आता Amazon वरून वस्तू ऑर्डर करण्यास पसंती दर्शवू शकतात.
प्लॅटफॉर्म चार्ज म्हणजे काय?
प्लॅटफॉर्म चार्ज म्हणजे तुम्ही एखाद्या प्लॅटफॉर्मचा वापर करून ऑर्डर केली तर त्या प्लॅटफॉर्मकडून शुल्क आकारले जाते. हे शुल्क वेगवेगळे असू शकते, पण ऑर्डर केल्यावर तुम्हाला हा चार्ज द्यावा लागतो. मात्र, यासाठी देखील मर्यादा ठरवली गेली आहे. जर तुम्ही 10 हजार रुपयांच्या वर ऑर्डर केली तर तुम्हाला हा चार्ज द्यावा लागणार नाही. पण जर तुम्ही यापेक्षा कमी रकमेची ऑर्डर केली तर हा चार्ज लागू होईल. हा चार्ज यापूर्वीही आकारला गेला आहे. त्यामुळे, वेळोवेळी हा चार्ज कमी किंवा जास्त होऊ शकतो आणि भविष्यात Amazon कडूनही असा चार्ज लागू केला जाऊ शकतो.
