Jio आणि Airtel सध्या नवीन 5G प्लॅन सादर करण्याची तयारी करत आहेत. या प्लॅनची किंमत सध्याच्या 4G प्लॅनच्या तुलनेत १० टक्के जास्त असेल. नवीन प्लॅनमध्ये जास्त डेटा मिळू शकतो.
या नवीन प्लॅन्सची किंमत 4G च्या तुलनेत ५ ते १० टक्के जास्त असू शकते. बोलले जात आहे एअरटेल आणि जिओचे नवीन 5G प्लॅन मधील ४जी प्लॅन्सच्या तुलनेत ३० टक्के जास्त डेटा ऑफर करतील.
जिओ आणि एअरटेल भारतातील पहिल्या दोन अश्या टेलीकॉम कंपन्या आहे, ज्यांनी सर्वप्रथम ५जी लाँच केलं होतं. सध्या भारतातील बहुतांश भागात या दोन्ही कंपन्यांची 5G सर्व्हिस पोहोचली आहे. जवळपास १ वर्षांपासून या दोन्ही कंपन्या आपल्या ग्राहकांना 4G प्लॅनच्या किंमतीत 5G स्पीड देत आहेत. तसेच, आता या कंपन्यांनी या फ्री सर्व्हिसवर पूर्णविराम लावण्याची तयारी केली आहे. अद्याप एअरटेल आणि जियोनं याबाबत कोणतीही अधिकृत माहिती दिली नाही.
Reliance Jio रिपब्लिक डे ऑफर
Reliance Jio नं रिपब्लिक डे ऑफर आणली आहे. त्यामुळे कंपनीच्या एका अॅन्युअल प्लॅन सोबत अनेक एक्सट्रा बेनिफिट दिले जात आहे, या प्लॅनची किंमत २,९९९ रुपये आहे. या प्लॅनमध्ये तुम्हाला डेली २.५ जीबी डेटा ऑफर केला जाईल. तसेच अनलिमिटेड कॉलिंग ऑफर केला जाईल. या ऑफरमध्ये युजर्सना अनेक प्रकारच्या मोफत सुविधा मिळत आहेत. जिओच्या रिपब्लिक डे ऑफरची सुरुवात १५ जानेवारी २०२४ म्हणजे कालपासून झाली आहे, या ऑफरचा फायदा ३१ जानेवारी २०२४ पर्यंत घेता येईल.
